માતા બની દાતા

મધર્સ ડે નિમિત્તે માતાની પુત્રીને અમૂલ્ય ભેટ

 

૨૧મી સેન્ચ્યુરી હોસ્પિટલ સુરતમાં સરોગસી પદ્ધતિનો અમૂલ્ય કિસ્સો : માતા બની દાતા

 

કહેવાય છે કે માતાનું ઋણ ક્યારેય ચૂકવી શકાય નહીં. અને એ જ વાત આજે હકીકત બની હોય એવું લાગે છે. દીકરીમાં જન્મથી જ ગર્ભાશય ન હોવાથી તેની સગી માતા સરોગેટ મધર બની અને જે ગર્ભાશયમાંથી પુત્રીને જન્મ આપ્યો હતો તે જ ગર્ભાશયને પોતાની સગી પુત્રીને એના ભ્રૃણને ઉછેરવા માટે દાનમાં આપ્યું છે. આવો એક અનોખો કિસ્સો રાજકોટમાં રહેતી ભાવિકા સૌરભ કઠવાડિયા સાથે બન્યો છે. જન્મથી જ ગર્ભાશય ન હોવાની જ્યારે જાણ થઈ ત્યારે ભાવિકાને લાગ્યું કે ભગવાને તેનું માતા બનવાનું સૌભાગ્ય જ છીનવી લીધું છે. નવ માસ સુધી ગર્ભની અંદર ઉછરી રહેલા બાળકની દરેક હલનચલનને માત્ર અનુભવવી નહીં પરંતુ માણવી એ પણ એક સ્ત્રીને મળેલી ઈશ્વરીય ભેટ જ છે. તેથી જ મા બનવાના સૌભાગ્ય માટે દરેક સ્ત્રી તડપતી હોય છે. ભાવિકાના ત્રણ વર્ષના સુખી લગ્નજીવનમાં જો કોઈ ખોટ હતી તો માત્ર બાળકના ખિલખિલાટની. ભાવિકા મા બનવા માગતી હતી અને તેને પોતાનું બાળક જોઈતું હતું. પણ ગર્ભાશય ન હોવાથી એક જ પદ્ધતિ દ્વારા આ શક્ય હતું. અને તે છે સરોગસી, જેના દ્વારા તેને બાળક થઈ શકે.

હતાશ ભાવિકા જ્યારે ૨૧મી સેન્ચ્યુરી હોસ્પિટલ અને ટેસ્ટ ટ્યુબ બેબી સેન્ટર-સુરતના ડો. પૂર્ણિમા નાડકર્ણી અને ડો. પૂજા નાડકર્ણી સિંઘના સંપર્કમાં આવી ત્યારે તેને જાણે આશાનું કિરણ મળી ગયું જ્યારે ભાવિકાના મમ્મી શોભનાબેન ચાવડા જેઓ પોતે ૪૫ વર્ષના છે તેઓ પણ પોતે પોતાની દીકરીના ભ્રૃણને ગર્ભાશય આપી શકે છે એવું આશ્વાસન ડો. પૂર્ણિમા નાડકર્ણીએ તેમને આપ્યું. ભગવાને ભાવિકા પાસેથી ભલે મા બનવાનો અધિકાર છીનવી લીધો પરંતુ ભાવિકાને માતૃત્વનું સુખ મળી રહે તે માટે ભાવિકાની મમ્મી સરોગેટ મધર બનીને તેને મા કહી શકનાર બાળક આપશે.

“મધર્સ ડે” જેવા “ડે”ની ઉજવણીનું ચલણ બહારના દેશોમાંથી આપણા દેશમાં આવ્યું. તે દીવસે આજના યુવાનો પોતાને જન્મ આપનારી માતાને કાર્ડ કે ફુલ કે ગીફ્ટ આપીને યાદ કરે છે. જેનું ઋણ ક્યારેય ન ચૂકવી શકાય એવી માના જીવનનું એક જ લક્ષ્ય હોય છે સંતાનનું સુખ. ઉંમરના આ પડાવમાં પણ તે પોતાની લાડકી દીકરીના આંસુ લુછવા માટે પોતાનાથી બનતા દરેક પ્રયત્નો કરવામાં પાછળ પડતી નથી. જેથી પોતાની દીકરીએ વાંઝિયાનું મહેણું ન સાંભળવું પડે. આવી માતાને અમારા કોટી કોટી પ્રણામ.

સરોગસીના અનેક કેસમાં ઘણીવખત સરોગેટ મધર બાળકને લઈને ભાગી જતી હોય છે. ક્યાંતો ભવિષ્યમાં ક્યારેક બ્લેકમેઈલ કરીને પૈસા પણ પડાવતા હોય છે. ત્યારે આ કેસમાં મા જ પોતાની દીકરીના બાળકને જન્મ આપતી હોવાથી આ દરેક પડોજણમાંથી તેને રાહત મળશે. જોકે ખૂબ જ સ્વાભાવિક લાગતો પ્રશ્ન એ હતો કે ભાવિકાને આ ખામી હોવા છતાં તેના સાસરિયાએ તેને અપનાવી. ત્યારે ડો. પૂજા કહે છે કે આ માટે પારિવારિક સહકાર પણ એટલો જ જરૂરી હોય છે. ભાવિકાના લવ મેરેજ છે. એટલે તેના પતિ અને સાસરાવાળાને પહેલેથી જ આ વાતની ખબર હતી. વળી એક મહિનાની સારવાર દરમ્યાન સાસુ-સસરા ભાવિકા તેના પતિ અને ભાવિકાના મમ્મી-પપ્પા બધા સાથે આવતા હતા.

એક મા પોતાના બાળક માટે શું કરી શકે તેનો આ એક સીધો સાદો જવાબ છે. પોતાની દીકરીની ખુશી માટે મા આજે રાજીખુશીથી પોતાની કુખ ભાડે આપી રહી છે તે જ માતાના નામનો સાચો અર્થ સાર્થક કરી રહી છે. ગર્ભ હાલ દોઢ મહિનાનો થયો છે.

ડો. પૂજાએ જણાવ્યું કે ભાવિકાને એક મહિના સુધી હોર્મોન્સના ઈન્જેકશન આપીને બીજ બનાવવામાં આવ્યું હતું. ત્યારબાદ તેના પતિના શુક્રાણું સાથે ટેસ્ટ ટ્યુબ બેબીની સારવાર દ્વારા ફલિત કરીને ભ્રૃણ તૈયાર કરવામાં આવ્યું હતું. ત્યારબાદ આ ભ્રૃણને ભાવિકાની મમ્મીના ગર્ભાશયમાં મૂકવામાં આવ્યું. હાલ છેલ્લા દોઢ મહિનાથી બાળકનો ગર્ભમાં સુરક્ષિત વિકાસ થઈ રહ્યો છે. 

રાજકોટના રહેવાસી ભાવિકાબેન અને તેમના પરિવારમાં હવે ખુશીનો માહોલ છવાઈ ગયો છે.

Divyabhaskar-16/05/2010

Advertisements

4 responses to “માતા બની દાતા

  1. ખરેખર ખુબજ પ્રેરણાદાયી કિસ્સો છે જે ને લીધે આવા અનેક માતૃત્વ વંચિત માટે એક આશા નું કિરણ જગાવતી ઘટના કહી શકાય.
    મા તેમજ ડોક્ટર અભિનંદન ને પાત્ર છે.

  2. ભગવાન તરીકે માતા ની કલ્પના એ ભગવાન તરીકે પિતા કરતા વધારે યોગ્ય છે.માતા પણ કોમન સ્ત્રી છે,પણ કોમન સ્ત્રી માતા તરીકે હંમેશા મહાન છે.અમે જગત જનની માં અંબા,,માં દુર્ગા,માં કાળી એવો આર્ટીકલ આમારા બ્લોગ માં મુકેલો છે.એમાં લાઓત્સે ચીન ના એવું કહેતા કે આ જગત એ સ્ત્રૈણ રહસ્ય છે,ફેમિનાઈન મિસ્ટ્રી છે.અમે વૈજ્ઞાનિક માહિતી આપવાનો પ્રયાસ કરેલો છે.આવા કિસ્સા આપ પ્રકાશ માં લાવો છો તે બહુ મોટું કામ છે.ધન્યવાદ સાથે આભાર પણ.

  3. seen this fantastic event on E-TV gujarati news… good job… but its half done… the journey has only begun taking care of a lady antenataly is also of utmost important and medically more challeged if she is at 45… so best of luck…
    you may recommend your patients about my blog dedicated to the to be borns….!
    link- matrutvanikediae.blogspot.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s